اسم المؤتمر : أعرِفُهُ… فيعرِفُني

في ناس عايشة سنين… بس لسه مش عارفة هي مين فعلًا
كل شوية نجرب نسخة جديدة من نفسنا،
نقلد، نجري، نبدأ ونقف، وندور على معنى يخلّي القلب ثابت…
بس الحقيقة؟ محدش بيكتشف نفسه بعيد عن الله 🤍

مش كل مرة بنحس إننا تايهين… بيكون علشان مفيش طريق
ساعات بيكون علشان محتاجين نرجع للأصل ✨

في مؤتمر #أعرفه_فيعرفني هنتحرك في رحلة حقيقية نفهم فيها:
* أنا مين؟ ربنا شايفني إزاي؟ وإيه الدعوة اللي خلقني ليها؟

رحلة من 3 مراحل:
🤍 الابن 📖 التلميذ ⚔️ الجندي
وكل مرحلة هتقربك أكتر من نفسك… لأنك كل ما تعرفه أكتر، هتعرف نفسك أكتر

يمكن طول الوقت كنت بتحاول “تلاقي نفسك” بس الحقيقة إن نفسك كانت محتاجة تلاقيه هو الأول

هيكون عندنا:
🎶 تسبيح ووقت خاص مع ربنا
🎤 تعليم
🤍 مشاركات
🎲 ألعاب وأنشطة
🏊 وقت Pool

فرصة مميزة تفصل كام يوم من زحمة المسؤوليات والجري وتشحن طاقتك بوقت ليك 😉

تاريخ المؤتمر:
من الخميس 11 يونيو – السبت 13 يونيو

مكان المؤتمر:
بيت أجابيه – وادي النطرون
اللوكيشن : https://maps.app.goo.gl/Yvy9hrwHy4id7bJo7

اشتراك المؤتمر : ١٥٠٠ جنيه (شامل تكلفة الأتوبيس)
– متاح التقسيط على أكثر من دفعة
– يجب سداد الاشتراك كامل قبل يوم الأحد ٣١ مايو

ملحوظات هامة:

– المؤتمر للمسيحيين فقط
– غير مسموح بوجود الأطفال
– غير مسموح بوجود الحيوانات الأليفة
– المؤتمر من سن ٢٠ سنة إلى ٤٠ سنة

ملاحظات على التسكين:

– توزيع الغرف بيتم بعد دفع قيمة الحجز.
– لو كتبت اسم حد، ده مش معناه إنه اتحجز له، لازم هو كمان يملأ استمارة ويدفع جزء من الاشتراك.
– لو مش هتكتب اسم حد، هنوفر لك أنسب تسكين مع حد يكون شبهك في النوع، السن، والمحافظة.
هدفنا إن كل واحد يكون مرتاح، فهنبذل كل الجهد علشان نعمل أفضل تسكين ممكن.