هناك سر في عدم انطلاق الشابات والسيدات في الحياة بصورة متزنة وصحية دون ضغط ولخبطة، واللخبطة دي في الهُويّة والنفس والدور والعلاقات والعمل وكل مجالات الحياة.. لو شايفة إنك متلخبطة في دعوتك وحياتك وبتخبّطي في علاقاتك وبتجلدي وبتأذي نفسك، فبرنامجنا دا (٨ لقاءات أسبوعية) هيتيح قدامك فرصة لزيادة الوعي بنفسك وبعلاقاتك، وفهم وتحديد مسؤولياتك وأدوارك وحدودك.. فتتصالحي مع صورتك الحقيقية الأصيلة لتعيشي دعوتك اللي ربنا خلقك عشان تحققيها ولتستردي صورتك وأنوثتك ومعنى حياتك..
كم مرة أحنا كبنات اشترينا كتب واتحمسنا نقراها صفحة والتانية وسيبنا الكتاب ؟ أوقات كتيرة بنكون حابين نقرا بس مش بنكون لاقيين الناس اللي نتشارك معاهم اللى بنقراه أو حتى حد يكون بيشجعنا نكمّل قراية ومن هنا جت فكرة ال Book club هنتجمّع مرة كل أسبوع نتقابل نقرأ سوا ونتشارك في اللي قريناه، وكمجموعة نشجّع بعض ونكبر سوا وناخد بإيدين بعض لقدام.
حقيقة مثبتة إننا بنتغير من خلال الوعي والادراك والمعايشة، وكل شابة وسيدة عندها الحق تتعرف على المعنى الحقيقي لأنوثتها وتعرف تشوف نفسها بعنين الله اللي خلقها كاملة في نظره. من خلال دراسة كتاب فاتنة في حلقة دراسية مدتها (٦ لقاءات أسبوعية) هنقرأ ونناقش ونبحث على فهم أنفسنا وأنوثتنا بعيداً عن التشوهات والمعايير المغلوطة اللي توارثناها واتحبسنا جواها لسنيين طويلة.