خدمة
التلمذة
بناء الإنسان الداخلي
في (أفسس 16:3) بيقول «تتأيدوا بالقوة بروحه في الإنسان الباطن» بمعنى إن نفسك وروحك أي (قلبك) هو اللي بيقود حياتك كل يوم بعد ما بتقبل المسيح في حياتك. ولكن بناء الإنسان الداخلي دا بيحتاج سكة طول الحياة.. المدرسة هتساعدك تهتم بإنسانك الداخلي وتقويه..
The Merge
بعرف فيها نفسي وربنا، وإزاي أتصالح مع ربنا وأعرف هويّتي اللي بتقودني لمعرفة الله (الرب والصديق) وأتعلم إزاي أغفر للآخرين، وبتساعدني أعرف الفرق بين مسئوليتي وسلطان الله…
تغيروا
الكنز
كتير مش بنكون عارفين إيه هيَّ دعوتنا على الأرض وليه عايشين! مش بس كدا كمان مش بنكون عارفين إحنا مين ولا إيه المواهب اللي ربنا واهبها لينا!؟ المدرسة عبارة عن رحلة داخل نفسنا نسترجع فيها حياتنا؛ لنكتشف فيها من أنا؟ وما هي رسالتي ورؤيتي في الحياة؟ في المدرسة هنكتسب بعض المعايير والمهارات لاتخاذ قرارات يومية من أجل إدارة أفضل لحياتنا ولكنائسنا.
طبطبة
مدرسة “طبطبة” هي فن مساعدة المصدومين والمعترضين لإساءات نفسية وجسدية. “طبطبة” مدرسة هتساعدك إنت عشان تقدر تساعد اللي حواليك. كتير بنشوف المصدومين والمتألمين، ومش بنبقى عارفين نساعدهم إزاي حتى لو متألمين لألمهم. في سكّة التعليم هتتعلّم كمان تطبطب على نفسك، وتفهم مشاعرك قبل ما تطبطب على غيرك.
شفاء النفس
كلنا بنمر بظروف صعبة وبسببها شخصياتنا بتتغيّر، وبتطلّع منّنا حاجات، وسلوك، وتصرفات، وردود أفعال، ممكن إحنا شخصيًا مانكونش موافقين عليها. وكتير بنكون مزنوقين في الماضي بتاعنا ومش عارفين نخرج منه. المدرسة دي فرصة إنك تتقابل مع الماضي وتشوفه، وتتعامل معاه، تدرك ربنا بيشوفك إزاي، تشوف المفروض شخصيتك تكون إيه. فلو أنت تعبان، متألم، عديت بظروف صعبة.. المدرسة دي هتساعدك تشوف الصورة بشكل مُختلف؛ عشان تقدر تتفك من ماضيك اللي موقّف حاضرك وبالتالي بيأثر على مُستقبلك.