يمكن اللي بيحصل جواكي النهارده يكون له حكاية بدأت من زمان ..
عمرك سألتي نفسك: ليه بتتصرفي بطريقة معينة حتى وإنتِ مش فاهمة السبب؟
ليه بتخافي من الرفض؟ ليه أوقات بترضِي الناس على حساب نفسك؟ وليه في لحظات بتحسي إنك مش كفاية مهما عملتي؟

في الورشة دي هناخد رحلة هادية لفهم نفسنا بشكل أعمق؛ هنكتشف إزاي شخصيتنا بتتشكّل، وإيه الاحتياجات النفسية الأساسية اللي بتأثر على مشاعرنا وعلاقاتنا واختياراتنا، وإزاي ممكن عدم إشباع بعض الاحتياجات يخلينا نتعامل مع الحياة بطرق كانت بتحمينا في وقت، لكنها ممكن تكون بتتعبنا النهارده.

وهنتكلم كمان عن الإساءات بأشكالها المختلفة، وإزاي ممكن تسيب أثر على صورتنا عن نفسنا، إحساسنا بالأمان، حدودنا، وعلاقاتنا.
لكن مش هدفنا نقف عند الماضي أو نفضل نسأل: مين السبب؟
هدفنا نفهم: إيه اللي حصل؟ وإيه أثره عليّا؟ وإيه اللي أقدر أعمله دلوقتي؟

لو حسيتي إن الكلام ده شبهك ..
تعالي معانا ، يمكن تكون دي الخطوة اللي محتاجاها علشان تقربي من نفسك أكتر

التاريخ : تبدأ من السبت 7 نوفمبر (4 لقاءات بواقع لقاء كل سبت)
الميعاد : من 6م لـ 9م
تكلفة المجموعة: 250 جنيهاً
ولو أثنين مع بعض سعر الفرد ب 200ج

المكان: مقر خدمة tC بالإسكندرية