مدرسة “طبطبة” هي رحلة تعليمية وعملية بتساعدك تفهم الألم النفسي وتتعلم إزاي تكون داعم حقيقي للي حوالينك وقت الضيق. الفكرة الأساسية إن مساعدة الآخرين بتبدأ الأول من فهم نفسك ومشاعرك واحتياجاتك الوجدانية.

خلال الرحلة هتتعرف على طبيعة الاحتياجات النفسية في مراحل العمر المختلفة (الطفولة، المراهقة، والراشدين)، وهتفهم تأثير الإساءة النفسية والجسدية اللي ممكن تنتج عن بعض أنماط التربية أو العلاقات غير الصحية. كمان هتتعلم أدوات تساعدك تتعامل مع مشاعرك بشكل صحي، وتنمّي الذكاء الوجداني عندك، وتفهم المعتقدات المحورية وأخطاء التفكير اللي بتأثر على نظرتنا لنفسنا وللآخرين.

المدرسة هتتناول كمان موضوعات مهمة زي الأدوار اللي بنلعبها في العلاقات، إزاي نحط حدود صحية، وإيه مسؤوليتنا تجاه نفسنا. وهنتكلم عن التعامل مع الصدمات، وفهم الاكتئاب وطرق دعمه، بالإضافة لمبادئ واستراتيجيات المقابلات الدافعية اللي بتساعد الشخص يكتشف دافعه الداخلي للتغيير.

“طبطبة” مش بس تدريب علشان تساعد اللي حواليك، لكنها كمان رحلة استردادية لنفسيتك، تساعدك تفهم نفسك بعمق، وتكون قادر تقدّم دعم حقيقي لكل شخص بيمر بألم أو اضطراب.

التاريخ: الاربعاء 22 أبريل ( بواقع لقاء أسبوعي لمدة 10 لقاءات )
الميعاد: من 6 م لــ 9 م
اشتراك المدرسة : 1300 جنيه

بس لو انت مش هتقدر تدفع المبلغ كله مرة واحدة ممكن نقسطه على مدار المدرسة

ولا يمكن استرداد الاشتراك اذا كان متبقي على بدء البرنامج اسبوعين أو أقل، وبالتالي لا يمكن استرداد الاشتراك بعد بدء البرنامج.

بس عشان نقدر نستفيد من محتوى المدرسة ونحقق هدفها بأقصى شكل عندنا شوية التزامات :
– مهم أوي نكون ملتزمين بحضور كل اللقاءات بس أكيد هنراعي حالات الظروف الطارئة فممكن تغيب مرتين بس
– تقديم تلخيص فى كتاب سمات ومعايير النضج النفسي لمشير سمير

المكان: مقر خدمة tC Egypt بالقاهرة
العنوان :  18 شارع الشهيد صبحي نصر – الماظة 
اللوكيشن : https://maps.app.goo.gl/QxQ6qMRkuEannNZz7  

متاح الحضور ZOOM للمحافظات فقط