العلاقات جزء أساسي من حياتنا؛ بنحتاجها علشان ننتمي، نشارك، نُفهَم، ونكون على طبيعتنا مع الآخرين.
لكن وجود العلاقات في حياتنا مش معناه بالضرورة إننا عارفين نبنيها أو نحافظ عليها بشكل صحي.

في المجموعة دي، هناخد خطوة أعمق لفهم العلاقات: مش بس إزاي نتعامل مع الآخرين، لكن إزاي نفهم نفسنا وإحنا جوّه العلاقة، ونفهم احتياجاتنا ومشاعرنا وحدودنا، ونكتشف إيه اللي بيخلّي بعض علاقاتنا مصدر أمان ونمو، وإيه اللي ممكن يحوّلها لمصدر استنزاف وصراع.

المحتوى مستوحى من كتاب «صحة العلاقات»، ومن خلال 5 أفكار أساسية، هنقرب من العلاقات من زوايا مختلفة:
* ليه العلاقات مهمة في حياتي؟
* إيه احتياجاتي في العلاقات؟
* إيه اللي بيحصل لمشاعري جوّه العلاقات؟
* إزاي أحط حدود صحية؟
* إزاي أبني دايرة علاقات صحية؟

الهدف مش إننا نوصل لـ علاقات مثالية من غير اختلاف أو خلاف، لكن إننا نفهم العلاقات بشكل أعمق، ونعرف نكون فيها بوعي أكبر؛ نعرف إمتى نقترب، إمتى نتكلم، إمتى نحط حدود، وإزاي نفضل حاضرين في العلاقة من غير ما نفقد نفسنا.

 التاريخ: بداية من الثلاثاء 27 أكتوبر (لمدة 5 لقاءات)
الميعاد: من 6م إلى 9م
التكلفة: 250 جنيه

المكان : مقر خدمة tC بالإسكندرية

العنوان :  ڤيلا رقم ٨ بشارع عبد اللطيف النشار، المتفرع من شارع الإقبال، لوران الاسكندرية. الڤيلا أمام صيدلية نيرة

اللوكيشن : https://maps.app.goo.gl/9NBbwEhjQ6b9YVRD9